اغوا ہونے والے ایس پی طاہر داوڑ کو افغانستان میں قتل کردیا گیا ہے

سوشل میڈیا پر خبریں گرم ہیں اور تصاویر گردش کررہی ہیں کہ ایس پی طاہر داوڑ کو افغانستان میں قتل کردیا گیا ہے۔ اسلام آباد پولیس کی خصوصی ٹیمیں تفتیش کے لئے پشاور پہنچ گئی ہیں اور خیبرپختونخوا پولیس اور خفیہ اداروں کے حکام سے ملاقاتیں کی ہیں۔

طاہر داوڑ کے بھائی فرمان احمد الدین نے کہا ہے کہ تاحال ان کے متعلق کوئی معلومات نہیں ملی ہیں۔ گزشتہ روز وزیر مملکت برائے داخلہ شہریار آفریدی سے بھی اس بارے میں سوال پوچھا گیا تو انہوں نے ایس پی طاہر داوڑ کی موت کی تصدیق کرنے سے انکار کردیا تھا۔طاہر داوڑ کو گزشتہ ماہ اسلام آباد کے علاقے جی ٹین فور سے اغوا کیا گیا تھا۔